السلام عليكم ورحمة الله وبركاته
هذا الموضوع قرأته بأحد المنتديات وحبيت اشاركم فيه ....
هلالية و نصراوية يتهاوشون
النصراوية تقول:تكفين من زينكم أنتم و بطولاتكم كلها بالواسطات و الحكام و لاعبينكم عشان تحطون رأسكم برأس العالمي...
و ترد الهلالية: وع عليكم و على لاعبينكم قواطي الببسي مالت عليهم ما عندكم صاحي إلا الحارثي و بدأيخرب بعد....
ـــــــــــــــــــــــــــــــــــــــــــــ ـــــ ــــــــــــــــــــــــــــــــــ
أم تهاوش بنتها المراهقة: وجع إن شاء الله تغطي شوفي هذاك من اليوم يناظرك ترى و الله لأعلم أبوك عليك>>>>في الملعب
ـــــــــــــــــــــــــــــــــــــــــــــ ـــــ ــــــــــــــــــــــــــــــ
وحدة عربجية تصايح:يا حارثي يالنذل لا تكسر الصويلح حسبي الله عليك يعلك الماحي الي يمحاك من الملعب و لايردك إلى أهلك...
ـــــــــــــــــــــــــــــــــــــــــــــ ـــــ ـــــــــــــــــــــــــــــــ
وحدة تبكي و قلبها متقطع و أختها تقول:خلاص يا بنت الحلال.......قسم بالله التمياط إصابته بسيطة....شوفيه بيرجع للملعب مرة ثانية
ـــــــــــــــــــــــــــــــــــــــــــــ ـــــ ــــــــــــــــــــــــــــــــ
و حدة دلوعة تقول للي جنبها:لو سمحتي معك كريم واقي من الشمس مالقيت كريمي؟؟؟
يازين الدلع هذي هلالية!!!!
ـــــــــــــــــــــــــــــــــــــــــــــ ـــــ ـــــــــــــــــــــــــــــ
وحدة فاضية تسئل اللي حولها:ما شفتوا عدستي الرمادية طاحت الله يأخذها
هههههههههههه الناس وين وهي وين لا حول و لا قوة إلا بالله
ـــــــــــــــــــــــــــــــــــــــــــــ ـــــ ــــــــــــــــــــــــــــــ
و حدة ثانية فاضية:من يعرف طريقة محشي عنب؟؟ عجزت أضبطة!!!!
ـــــــــــــــــــــــــــــــــــــــــــــ ـــــ ـــــــــــــــــــــــــــــ
و هذي وحدة تزعق من الهجمة اللي ضاعت و اللي وراها ناشبة في حلقها لو سمحتي وش أسم عطرك
طرااااااخ صوت كف متعوب عليه!!!
ـــــــــــــــــــــــــــــــــــــــــــــ ـــــ ــــــــــــــــــــــــــ
هذولي ثنتين:هلالية و نصراوية يتضاربون النصراوية تصايح آي آي كسرتي ظفري الله يأخذك عمرك يالشينه
ـــــــــــــــــــــــــــــــــــــــــــــ ـــــ ــــــــــــــــــــــــــ
وحدة بريئه نيتها حلوه:يا حبي لك يا شلهوب يا صغيرون يا حليله..
ـــــــــــــــــــــــــــــــــــــــــــــ ـــــ ــــــــــــــــــــــــ
وحدة ما تدري وين المباراة معه:أحلى على الطول يا مفرج..
ـــــــــــــــــــــــــــــــــــــــــــــ ـــــ ـــــــــــــــــــــــــ
وحدة مسوية نفسها فاهمة:يا مدرب الهلال طلع العنبر و دخل بداله نواف (نواف يلعب من البداية) و قدم محمد الدعيع قدام و نزل أبو يعقوب الله يقلعك ههههههههههههههههههه
ـــــــــــــــــــــــــــــــــــــــــــــ ـــــ ــــــــــــــــــــــــ
وحدة تراقب الفاول و يدها على قلبها و الي جنبها تقول رحت العقارية بس مال قيت شيء حلو الله يقطعهم..
عبايتك مشتريتها من سيدتي الجميله و الثانيه معطيتها أشكل
ـــــــــــــــــــــــــــــــــــــــــــــ ـــــ ــــــــــــــــــــــ
بس يالييييييييييييييييت يفتحون نوادي بس مانبغى نروح الملعب.......
السبت أبريل 05 2008, 12:05
