اقدم لكم احد القصائد اتمنى ان تلاقي استحسانكم
ياما رهنت الشـوق كلـه لماضيـك
مخلص بحبك دايـم (ن) فيـك دالـه
ولا هو صحيح اني تخليـت مابيـك
وحبك حـرام انـي مـادور بدالـه
طيفك يناجيني واهوجـس واطاريـك
ياحظ دربـي كـان دربـك صفالـه
واليوم كانـك تاخـذ القيـل مابيـك
معادلـه: والحـب يكفـي سـؤالـه
خـل العـواذل ماتفيـدك وترضيـك
غيرة عـذول وفيـك هـذا مجالـه
لاتفضح الاْسرار اْنـا حيـل مغليـك
ياللي فـداك القلـب واللـي جرالـه
مليـت لاتشكـي ولاْنـي مشاكيـك
دام الزمن وانت الزمن وانـت فالـه
ولاتسمع اللي جـاك فينـي يناجيـك
هذاك حلمـه كـل قلـب (ن) لحالـه
ياصاحبي من صدق الاحساس ابعطيك
شف اختيار القلـب واللـي طرالـه
تعال بضلوعـي واْبسكـن محانيـك
والوصل لايرخـي زمانـك حبالـه
وكانـك تبينـي بالمـودة مصافيـك
خل الغـرام بصـدق نـروا زلالـه
الخميس أبريل 03 2008, 08:29
